Almaty taýynda jaraqattanǵan er adam qutqaryldy
ALMATY. QazAqparat - Respýblıkalyq jedel-qutqarý jasaǵy Almaty qalasynyń taýlarynda jaraqattanǵan er adamǵa der kezinde kómektesti, dep habarlaıdy QazAqparat tilshisi.
Respýblıkalyq jedel-qutqarý jasaǵynyń kezekshi-dıspetcherlik bólimine 16 mamyr kúni Qımasar shatqalynda qolynan jaraqat alǵan er adam týraly aqparat tústi. Ol óz betinshe qozǵala almady.
Respýblıkalyq jedel qutqarý jasaǵynyń (RJQJ) sarbadary tótenshe jaǵdaı bolǵan jerge attandy.
«Qutqarýshylar qolyn jaraqatap alǵan jigitti tez taýyp aldy. Onyń janynda bir adam bolǵan. Ol zardap shekken týrıske tómenge túsýge kómektesti. RJQJ qutqarýshylary alǵashqy medıtsınalyq kómek kórsetip, zardap shekken jigitti Apattar medıtsına ortalyǵynyń qyzmetkerlerine tapsyrdy», - dep habarlady «Respýblıkalyq jedel qutqarý jasaǵy» MM-niń baspasóz qyzmeti.
Qutqarýshylar týrısterdi taýda saq bolýǵa shaqyrady.
