Almaty taýynda talmasy ustaǵan jigit qutqaryldy
ALMATY. QazAqparat – Almatyda Іle Alataýynda talmasy ustap qalǵan jigit qutqaryldy. Bul týraly QazAqparat Respýblıkalyq jedel qutqarý jasaǵynyń baspasóz qyzmetine silteme jasap habarlaıdy.
10 tamyzda 9 týrıst Qarlytaý shyńyna shyqqan. Keshke taman Bogdanovıch muzdyǵynda (3700 metr) erlerdiń biriniń jaǵdaıy nasharlaı túsken. Murnynan qan ketip, 40 mınýttaı dirildegen jigit ózdiginen taýdan túse almaǵan.
Respýblıkalyq jedel qutqarý jasaǵynyń kezekshi nómirine 11 tamyzda tún ýaqytynda jigittiń qasyndaǵy adamdar habarlasqan.
Qutqarý jasaǵynyń 7 múshesi, kınologııalyq quram oqıǵa ornyna attanǵan.
Aspaly jol istemeı turǵandyqtan, qutqarýshylar Shymbulaqtan Talǵar taýynyń sol jaǵyna jaıaý túsip, ary qaraı Bodanovıch muzdyǵyna jaıaý jetken.
Qarańǵy túnde, úgilip turǵan qorym tastarmen joǵary órmeleýge týra kelgen.
Tańǵa jýyq bógelgen týrıster tabyldy. Aýyrǵan adam qasynaǵy adammen birge taýdyń etegine deıin aman-esen túsirdi.
