Almaty taýynda qalǵan áıeldi qutqarýshylar aman alyp qaldy
ALMATY.QazAqparat - Respýblıkalyq jedel-qutqarý jasaǵynyń qutqarýshylary Almaty taýlarynda tońyp qalǵan áıeldi qutqardy, dep habarlaıdy QazAqparat tilshisi.
15 tamyzda tańerteń Respýblıkalyq jedel-qutqarý jasaǵynyń kezekshilik pýltine Úlken Almaty kóliniń (BAO) tóbesine bir áıeldiń jalǵyz ózi shyǵyp ketkeni týraly aqparat tústi.Tańerteń ol qatty tońyp,taýdan ózi túse almaǵan.
«Oqıǵa ornyna qutqarý toby shyqty. Aıta ketý kerek, qalada túni boıy jańbyr jaýyp, salqyn boldy. Taýda jańbyr qarǵa aınaldy, temperatýra nólge jaqyn edi.Qatty tońyp qalǵan áıel ornalasqan jerin túsindire almady, únemi shatastyryp otyrdy.Úlken Almaty kóli aımaǵynda qutqarýshylar izdestirý-qutqarý jumystaryn bastady»,- dep atap ótti Respýblıkalyq jedel-qutqarý jasaǵynyń baspasóz qyzmeti.
Qutqarý jumystary aıaqtalǵansha, jedel kezekshi taýda qalǵan áıelmen baılanysta boldy. Qutqarýshylarǵa kez kelgen qosymsha aqparat birden radıobaılanys arqyly jetkizildi.
Sonymen qatar, áıeldi únemi sóıletýge týra keldi, onyń ómirine qaýip tóndi.
Biraz ýaqyt ótkenen keıin jumys toby týrıstik shyńnan bir áıeldi tapty. Áıel jerde, shatyrsyz jáne uıyqtaıtyn qapsyz, jeńil kıimde otyrdy. Ol qatty tońyp qalǵan. Álsiregendikten, ózdiginen júre almady, tipti otyrý úshin de bireýdiń kómegine muqtaj boldy. Qutqarýshylar zardap shekken adamǵa alǵashqy medıtsınalyq kómek kórsetti, aıaq-qolyn jaqsylap ysqylap qurǵaq jáne jyly kıimder kıgizdi. Sodan keıin uıyqtaıtyn qapqa jatqyzyp, zembilmen tasymaldaýǵa kiristi.Taýly aımaqtan tómen túsýge taıǵaq jermen, ylǵaldy qar qıyndyq týǵyzdy.
«Taýǵa jalǵyz barmańyz, eger siz túneýge barsańyz, onda qosymsha jabdyqtar men jyly kıimderdi umytpańyz. Al jaz mezgilinde de taýda tún salqyn bolady. Jaýyn tipti qar da jaýyp ketýi múmkin», - dep eskertedi qutqarýshylar.
