Almaty taýynda alpınıst kóz janarynan aıyryldy
ALMATY. QazAqparat –Almatyda Mánshúk Mámetova shyńyna shyqpaq bolǵan alpınısterdiń biri kóz janarynan aıyryldy, dep habarlaıdy QazAqparat tilshisi.
Qalalyq qutqarý qyzmetinen málim etkendeı, oqıǵa 3 qańtarda bolǵan.
Kishi Almaty shatqalyndaǵy Mánshúk Mámetova shyńyn baǵyndyrý boıynsha oqý-jattyǵý kezinde (kúrdelilik sanaty 3B) alpınısterdiń birinde kóziniń nurly qabyǵy aıazdan úsip qalǵan. Saldarynan sportshy kórý múmkindiginen aıyrylǵan.
Sportshylar tobyn baqylaý radıobaılanys arqyly júrgizilgen. Sondyqtan «109» Qutqarý qyzmetiniń apattyq-qutqarý jasaǵy basshysynyń orynbasary Damır Molgachev komandany túgeldeı shyńnan jedel túsirý sheshimin qabyldaǵan.
Medıtsına mamandaryna jetkenshe Tuıyqsý alpınıstik lageriniń ınstýrktorlary, Qutqarý qyzmetiniń mamandary, Almaty alpınızm sporty federatsııasynyń músheleri oǵan alǵashqy kómek kórsetti.
«Sportshynyń kórý qabileti ishinara qalpyna keldi. Budan ári onyń densaýlyǵyn jergilikti dárigerler baqylaıtyn bolady», - delingen aqparatta.
