Almaty taýynda adasyp ketken týrıster tabyldy
ALMATY. QazAqparat - Almaty taýynda adasyp ketken jastar tabyldy, dep habarlaıdy QazAqparat tilshisi.
19 jastaǵy jigit pen 21 jastaǵy jáne 26 jastaǵy eki qyz «Prosveşenets» demalys úıine demalýǵa kelgen. Kólikterin demalys ornyna taıaý jerge qaldyryp, Kók jaılaý shatqalyna jaıaý kóterilgen. Qas qaraıyp ketkendikten jastar qaıtar jolda adasyp ketedi.
Almaty qalalyq qutqarý qyzmetiniń habarlaýynsha, týrıster joǵalǵany týraly habar senbi kúni keshke 18:37-de túsken.
«Er adam Kishi Almaty shatqalynda adasyp ketkenin habarlady. Onyń qasynda taǵy eki qyz bolǵan. Dıspetcherlik qyzmet atalǵan baǵytta qutqarýshylardy jiberdi. Abyroı bolǵanda, qutqarýshylar jastardy taýyp, keshki 21:40-ta demalys úıine jetkizdi», - dedi qutqarý qyzmetiniń baspasóz qyzmeti.
