Almaty taýynda adasyp ketken tórt týrıst qutqaryldy
ALMATY. QazAqparat - Almaty taýlarynda adasyp ketken tórt týrıst qutqaryldy, dep habarlaıdy QazAqparat tilshisi ІІM TJK baspasóz qyzmetine silteme jasap.
26 tamyzda, túngi saǵat 00.30-da ІІM TJM Respýblıkalyq jedel-qutqarý jasaǵynyń baqylaý bólimine tórt jas jigittiń «Fýrmanov» shyńy mańynda adasyp ketkendigi týraly habarlama tústi.
Oqıǵa ornyna jedel qutqarýshylar shyqty. Saǵat 02.25-te top adasyp ketken jastardy tapty. Olar tik betkeıden, óz betterinshe túse almaǵan.
«Qutqarýshylar bul taýly aımaqty jaqsy bilgendikten, túngi qarańǵylyqqa qaramastan jas týrısterdi tez taýyp aldy. Qaýipsiz aınalma jol arqyly shyǵaryp, týystarynyń qolyna tapsyrdy», - delingen vedomstva habarlamasynda.
