Almaty taýynda adasyp ketken 2 týrıst tabyldy
ALMATY. QazAqparat – Almatyda qyzmettik ıttiń kómegimen taýda adasqan týrıster tabyldy, dep habarlaıdy QazAqparat tilshisi.
10 sáýirde keshki ýaqytta Respýblıkalyq jedel-qutqarý jasaǵynyń kezekshi-dıspetcherlik bólimine Kim-Asar shatqalynda er men áıel adamnyń adasyp ketkeni týraly habar tústi.
Іzdestirý barysynda uıaly baılanys arqyly adasqandardyń naqty geolakatsııasy anyqtalady. Týrısterdi tabýǵa ıttiń kómegi kóp bolǵan.
«Týrıster Býtakov shatqaly jaqta adasyp ketken. Qar qalyń bolǵandyqtan kıimderi sý bolǵan. Qutqarýshylar olarǵa jyly kıim berip, qaýipsiz jerge jetkizdi», - delinedi RJQJ habarlamasynda.
Qutqarýshylar taýǵa shyqqan kezde qaýipsizdik erejelerin barynsha saqtaýdy jáne eger sizge kómek qajet bolsa, 112 nemese 8 (727)372-15-60 ( RJQD) telefon nómirlerine qońyraý shalýly eskertedi.
