Almaty taýlarynyń 165 ýchaskesinde qar kóshkini túsý qaýpi bar
ALMATY. QazAqparat – Almaty taýlarynyń 165 ýchaskesinde qar kóshkini túsý qaýpi bar. Bul týraly qalalyq Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.
Departament taratqan málimetke sáıkes, Almaty taýlarynyń 165 ýchaskesinde qar kóshkini túsý qaýpi bar, onyń ishinde qala turǵyndary men týrıster úshin eń úlken qaýip tóndiretini - «Medeý», «Shymbulaq» TShK jáne Úlken Almaty kóli aýdanynda ornalasqan 18 ýchaske.
«Taýly aýdandarda jaýyn-shashynnyń túsýi jáne qar jamylǵysynyń turaqsyz jaǵdaıy saldarynan qar kóshkini ózdiginen túsýi yqtımal. Osyǵan baılanysty qar jatqan tik betkeılerge shyǵýǵa tyıym salynady»,- dep atap ótti vedomstvodan.
Búgin qalada qar kóshkinin profılaktıkalyq túsirý jumystary júrgizildi.
«Shymbulaq» taý shańǵy kýrorty aýmaǵy men Talǵar asýy mańynda demalýshylar men týrısterdiń qaýipsizdigin qamtamasyz etý maqsatynda «Qazgıdromet» RMK usynymdary negizinde 10 qańtar kúni qar túsirý jumystary júrgizildi», - dep habarlady Almaty qalalyq TJD baspasóz qyzmetinen.
Jasandy kóshkin kezinde kólemi 900 tekshe metr qar massasy taý etegine tústi.
