Almaty taýlaryndaǵy muzdyq kólderge áýeden sholý jasaldy
ALMATY. QazAqparat – Almaty taýlaryndaǵy morenaldyq kólderge aerovızýaldy tekserý júrgizilidi, dep habarlaıdy QazAqparat tilshisi.
«Jalpy Almaty qalasynyń aýmaǵynda 37 morena kóli bar, onyń ishinde 15 kól qaýipti bolyp sanalady. Olardyń jaǵdaıyn jan-jaqty baǵalaý maqsatynda 11 mamyr kúni «Qazseldenqorǵaý» memlekettik mekemesiniń mamandary men Almaty qalasynyń Tótenshe jaǵdaılar departamenti aerovızýaldyq tekserý júrgizdi»,– dep habarlaıdy qalalyq TJD baspasóz qyzmeti.
Tekserý nátıjeleri boıynsha, barlyq muzdyq morenaldyq kólder áli de qar astynda jatyr. Sondyqtan almatylyqtar men qalanyń ınfraqurylymyna qaýip joq.
«Aǵymdaǵy jyly Qarǵaly, Aqsaı, Kishi jáne Úlken Almaty ózenderiniń basseınderinde ornalasqan qaýipti 7 morena kólderinde olardy qaýipsiz belgilerge deıin bosatý boıynsha josparly jumystar júrgiziletin bolady. Oǵan respýblıkalyq bıýjetten 43 mıllıon teńge bólindi»,– dep habarlady vedomstvadan.
Sel jaǵdaıy búgingi kúni turaqty.
