Almaty taýlaryndaǵy arnasynan asýy múmkin 4 kól qurǵatyldy
ALMATY. QazAqparat - QR ІІM ıÝrıı Ilınniń Almaty qalasynyń Tótenshe jaǵdaılar departamentine jasaǵan jumys saparynda qala mańyna aerobaqylaý júrgizilip, taýdaǵy kólderdiń jaǵdaıy jáne Úlken Almaty kóline (ÚAK) barar joldaǵy shatqaldardy nyǵaıtý, «Myńjylqy» bógenin qaıta jasaý jumystary tekserildi. Arnaıy júrgizilgen sharaǵa «Qazseldenqorǵaý» MB men qalalyq ákimdik ókilderi qatysty, dep habarlaıdy QazAqparat tilshisi.
TJD-niń baspasóz qyzmeti usynǵan málimetke súıensek, taýdaǵy 36 kóldiń eń qaýipti 9-yn bosatý jumystary 30 maýsymnan beri júrgizilip keledi. Jaz bastalǵaly beri «Qazseldenqorǵaý» mekemesiniń esepteri boıynsha, 4,3 mln tekshe metr sýdy aǵyzý jumystary júrgizilgen. Qazirgi ýaqytta kólderge quıatyn sý arnalary toqtatylyp, kólder qurǵatylǵan. Búgingi tańda 9 kóldiń 4-eýi qurǵaq.
TJD baspasóz qyzmetiniń habarlaýynsha, aerobaqylaý kezinde delegatsııa SES-1 ÚAK ýchaskesindegi jol boıyndaǵy qaýipti shatqaldardaǵy tastardy bekitý jumystaryn kórgen. Tas qulamaý úshin temir torlar tartylǵan. Aıta keterligi, temir torlar qazaq-japon birlesken «Tokyo Rope Almaty» kompanııasynan alynǵan.
Sondaı-aq, tikushaq «Myńjylqy» bógenine qonyp, onda júrgizilip jatqan qaıta jasaý jumystaryn kórdi. Qaıta jasalyp jatqan bógen endi 500 mln tekshe metr sýdy bógeýge qaýqarly bolmaq. Buǵan deıingi onyń sý bógeý mólsheri 220 mln tekshe metr bolatyn.
