Almaty taýlarynda júrgen seldiń qaldyqtary joıylýda
Almaty ákimdiginiń málimetinshe, Almaty óńirindegi temperatýranyń kóterilýi Kishi Almaty shatqalyndaǵy taýly qar jamylǵysynyń kúrt eritti, bul óz kezeginde sý deńgeıiniń kúrt kóterilýine, jaǵalaýlardyń shaıylyp ketýine, seldiń oryn alýyna, Kishi Almaty shatqalyndaǵy taý ózenindegi sýdyń laılanýyna ákeldi.
Tabıǵı qubylystan týyndaǵan bastapqy sýdyń laılanýynyń joǵary kontsentratsııasy - sý tazartý stantsııalarynda odan ári sý daıyndaý úshin qajetti sý kólemin alýǵa múmkindik bermeıdi. Osyǵan baılanysty Medeý aýdanynyń ońtústik bóliginde, ál-Farabı dańǵylynyń ońtústiginde aýyz sý berý qysymy tómendep, shekteldi.
«Bıyl shilde aıynda sońǵy 8 jylda ádetten tys ystyq aýa-raıy oryn aldy. Temperatýranyń joǵarylaýyna baılanysty 12 kún boıy taýlarda muzdyqtardyń belsendi erýi baıqalady», - dedi Almaty qalasy TJD bastyǵynyń mindetin atqarýshy polkovnık Erlan Álibekov.
Almaty taýlarynda sel shyǵaryndylarynyń saldary joıylady. TJD ózen arnasyna jetý úshin joldy tazartý jumystaryn júrgizýde.
«Sel oıyǵyndaǵy taýly ózenniń jaǵalaýlaryn nyǵaıtý (uzyndyǵy shamamen 8 shaqyrym) bıik taýlarda bolýyna baılanysty múmkin emes. Jumystardyń qol jetimdiligi, betkeılerdiń tik bolýy jáne ınfraqurylymnyń joqtyǵy qıyn bolýda», - dedi Almaty qalasy TJD bastyǵynyń m.a. polkovnık Erlan Álibekov. Qazirgi ýaqytta Qazseldenqorǵaýdyń 8 ınjenerlik tehnıkasy traktor avtojolyn (Tuıyq Sý muzdyǵy) erozııa saldarynan tazartý jumystaryn júrgizýde.
Sonymen qatar, Qazgıdromet derekterine sáıkes, aýa temperatýrasy aptanyń sońynda birtindep tómendeıdi dep kútilýde. Aýa temperatýrasynyń tómendeýi muzdyqtardyń erýin azaıtýǵa kómektesedi, bul jaǵdaı sýdyń sapasyn jaqsartady.
Qalalyq energetıka jáne sýmen jabdyqtaý basqarmasynyń málimetinshe, qalaǵa beriletin sý kóleminiń sapasy turaqty zerthanalyq baqylaýda. Bul rette sońǵy kúnderi Medeý súzgi stantsııasyndaǵy laılaný deńgeıi 600 mg dm3-ten (22 shilde) 142 mg dm3-ke (24 shilde) deıin tómendedi, alaıda, taýly ózenderdiń arnasynan asýyna baılanysty laılaný kontsentratsııasy qaıtadan kúsheıe tústi. 25 shildede laılaný 170-358 mg dm3 deńgeıinde saqtalady.
«Temperatýra odan ári tómendegen jaǵdaıda mamandar bastapqy sýdyń laılaný kontsentratsııasynyń tómendeýin boljaıdy, bul óz kezeginde aýdan turǵyndary úshin sý berýdi odan ári qalpyna keltirýge alyp keledi», - dedi energetıka jáne sýmen jabdyqtaý basqarmasynyń basshysy Talǵat Malybaev.
Ákimdik turǵyndardy sýmen qamtamasyz etý boıynsha ýaqytsha sharalar qabyldady. Turǵyndarmen kezdesý barysynda Medeý aýdanynyń ákimi Erkebulan Orazalın men «Almaty Sý» MKK bas dırektory Іlııas Qazıev qysymdy tómendetý jáne sý berýdi ýaqytsha shekteý boıynsha jaǵdaıdy túsindirdi.
«Búgin biz «Almaty Sý» basshylyǵymen birge Medeý aýdanynyń ońtústik bóliginiń turǵyndarymen kezdestik. Turǵyndardyń ótinishi boıynsha sý tasıtyn kólikterdiń sany ulǵaıtyldy (8 birlikke deıin), bıotýaletter ornatyldy, atalǵan máseleler boıynsha jedel jeli uıymdastyryldy», - dedi E. Orazalın.
«Sý tasyǵyshtar men bıotýaletter boıynsha ótinimder mynadaı nómirler boıynsha qabyldanady: + 7 775 594 90 94 (dárethanalar boıynsha), + 7 707 776 47 72 (sý tasıtyn kólikter boıynsha). Halyqtyń muqtajdyqtary úshin aýyz sýdy arnaıy tehnıkamen jetkizý uıymdastyryldy, ótinimderdi «Almaty Sý» MKK dıspetcherlik qyzmeti kelesi nómirler boıynsha qabyldaıdy: 274-66-66, +7 777-852-91-01», - dep habarlady Almaty ákimdigi.
Eske salaıyq, Almatyda bolǵan jaýyn-shashynnyń saldarynan sýmen qamtý toraptarynda sýdyń laılaný deńgeıi artyp, qalanyń Medeý aýdanynyń ońtústik bóligine sý berý ýaqytsha toqtatylǵan bolatyn.
