Almaty taýlarynda joǵary órt qaýpi saqtalyp otyr
ALMATY. QazAqparat - Órt qaýpi joǵary maýsym bastalǵaly Almaty qalalyq Tótenshe jaǵdaılar departamenti, jergilikti polıtsııa qyzmetkerleri jáne orman sharýashylyǵy mekemeleriniń ókilderi taýly aımaqta demalyp jatqan qonaqtarǵa eskertpe paraqtar taratýda. Búginge deıin 120 ruqsat etilmegen jerde ot jaǵýdyń aldy alyndy, dep habarlaıdy QazAqparat tilshisi.
Búgingi tańda TJD derekteri boıynsha 81 reıd júrgizildi, 6 myńnan astam jadynama taratyldy, 120-den astam ot jaǵý toqtatyldy, jalpy 4 mln teńgeden astam somaǵa 84 jeke tulǵa ákimshilik jaýapkershilikke tartyldy.
Qazgıdromet málimetinshe, Almaty taýlarynda joǵary órt qaýpi saqtalyp otyr.
«Qala turǵyndary men qonaqtaryn taýǵa demalýǵa barǵan jaǵdaıda tutanǵan temeki qaldyqtaryn tastamaýdy suraımyz. Sonymen qatar balalardy kólikterdiń ishine az ýaqytqa bolsa da qaldyrmaýǵa jáne kún sáýlesiniń áserinen saqtaný úshin serýenge shyqpaýǵa keńes beremiz»,- delingen habarlamada.
