Almaty taýlarynda joǵalyp ketken týrıst qutqaryldy
5 mamyr kúni saǵat 23:11-de respýblıkalyq jedel-qutqarý jasaǵyna Aıý-Saı taýynyń shatqalyndaǵy sarqyrama aımaǵynda er adamnyń joǵalyp ketkeni týraly aqparat kelip tústi.
«Іzdestirý-qutqarý jumysyna RJQJ jedel toby jolǵa shyqty. Aıý-Saı shatqalynyn joǵary jaǵynan qutqarýshylar týrısti taýyp aldy. Ol sarqyramalardyń biriniń ústindegi qyrqada tur eken. RJQJ jedel toby jas jigitke ártúrli baǵyttan jaqyndaýǵa tyrysty. Alaıda onyń qasyna barý múmkin bolmady. Sebebi ózenderde sý kóterilgendikten, ár ótkelde arnaıy jabdyqty qoldanýǵa týra keldi. Onyń ústine taıǵaq tastar, tik jerler, táýliktiń qarańǵy ýaqyty qosymsha qıyndyq týǵyzdy» delingen habarlamada.
Keıin top jetekshisi jedel avtokólikpen kosmostantsııaǵa (teńiz deńgeıinen 3200 metr joǵary) kóterilip, zardap shegýshiniń baǵyty boıynsha tómen túsýge sheshim qabyldaǵan. Mundaı jaǵdaıda alǵa jyljý óte qaýipti.
Jerge jaryq túse bastaǵan kezde RJQJ qutqarýshylary zardap shegýshini kózben kórip, baılanys ornatty.
Qutqarý operatsııasy barysynda týrıst uıaly telefon jáne RJQJ kezekshi bólimi arqyly habarlasyp otyrdy.
Er adamǵa jaqyndaǵannan keıin qutqarýshylar eń qaýipsiz oryndy tańdap, alpınıstik qural-jabdyqtyń kómegimen ony tómenge túsirdi.
«Týrıst qatty qorqyp qalǵanymen jalpy jaǵdaıy jaqsy. RJQJ qutqarýshylary jas jigitti qaladaǵy avtobýs aıaldamasyna deıin jetkizip saldy» dep atap ótti vedomstvadan.
