Almaty taýlarynda joǵalǵan týrıst ekinshi kún izdestirilýde
ALMATY. QazAqparat – Almaty taýlarynda joǵalǵan týrıst ekinshi kún izdestirilip jatyr. Bul týraly Tótenshe jaǵdaılar mınıstrliginen málim etti, dep habarlaıdy QazAqparat.
«5 tamyzda 39 jastaǵy týrıst «Shymbulaq – Talǵar asýy (3163 m) – Bogdanovıch muzdyǵy (3500 m) – Abaı shyńy (4010 m)» baǵytyn jalǵyz ózi eńsermek boldy jáne aldyn ala kelisilgen ýaqytta baılanysqa shyqpady.
Іzdeý ornynda Tótenshe jaǵdaılar departamenti, TJM Respýblıkalyq jedel-qutqarý jasaǵynyń 30-dan astam qyzmetkeri, erikti qutqarý qyzmetiniń volonterleri, qalalyq qutqarý qyzmetiniń qutqarýshylary, Almaty qalasynyń Alpınızm federatsııasynyń ókilderi, eki kınologııa toby jáne ushqyshsyz ushý apparaty jumyldyryldy», - delingen mınıstrlik málimetinde.
TJM qutqarýshylary taýǵa jalǵyz kóterilý jáne marshrýtty ózgertý qaýipti ekenin eske salady.
