Almaty taýlarynda jasandy qar kóshkini júrgizildi
ASTANA. QazAqparat - Іle Alataýynda qar kóshkinin aldyn ala túsirý jumystary júrgizildi, dep habarlaıdy «Qazseldenqorǵaý» MM.
«Qar kóshkininiń ózdiginen túsýine jol bermeý jáne ÚAK-Kosmostantsııa avtojolynda demalýshylardyń qaýipsizdigin qamtamasyz etý maqsatynda jáne «Kazgıdromet» RMK-nyń usynymy negizinde 1 naýryzda «Qazseldenqorǵaý» MM Almaty qalalyq paıdalaný basqarmasynyń mamandary «Nartas» JShS mamandandyrylǵan uıymmen birlesip №18 GAISh kóshkin jınaǵyshynda profılaktıkalyq qar kóshkinin túsirýdi júrgizdi», - delingen habarlamada.
Túsirilgen qar massasynyń naqty kólemi 8500 tekshe metrdi qurady. Qar kóshkini ÚAK-Kosmostantsııanyń shegaralyq beketinen joǵary avtojoldy jaýyp qaldy. Kosmostantsııanyń býldozeri tazalaý jumystaryn júrgizdi.
Profılaktıkalyq qar kóshkinin túsirý kezinde ǵımarattar men qurylystarǵa zııan kelgen joq. Zardap shekkender joq.
Qar kóshkinin aldyn ala túsirý jumystaryna «Qazseldenqorǵaý» MM, «Nartas»JShS mamandary jumyldyryldy. Jumystar Almaty qalasy TJD, «Qazgıdromet» RMK, «Geografııa ınstıtýty» JShS, QR ІІM TJK ÓJQJ, QR ІІM TJK «Apattar medıtsınasy ortalyǵy» MM ókilderiniń baqylaýmen jáne qadaǵalaýmen júrgizildi.
