Almaty taýlarynda jaraqat alǵan eki áıel qutqaryldy
NUR-SULTAN. QazAqparat – Tótenshe jaǵdaılar salasynyń ókilderi Almaty taýlarynda jaraqat alǵan eki áıeldi qutqardy, dep habarlaıdy QazAqparat QR ІІM Tótenshe jaǵdaılar komıtetiniń «Respýblıkalyq jedel qutqarý jasaǵy» MM-niń baspasóz qyzmetine silteme jasap.
Baspasóz málimetterine qaraǵanda, jazdyń sońǵy kúnderi Almaty qalasynan kelgen eki týrıstiń esinde qalady. 30 tamyzda QR ІІM Tótenshe jaǵdaılar komıteti JK «RJQJ» MM jedel kezekshisiniń pýltine taýdaǵy jazataıym oqıǵa týraly aqparat kelip tústi. Aldyn ala málimet boıynsha, Kımasarov shatqalynda áıel aıaǵyn zaqymdap alyp, óz betimen júre almaı qalǵan.
«Atalǵan aýdanǵa jedel-qutqarý toby attandy, óıtkeni jaraqt alǵan iıel turaqtaǵan aımaqtyń baǵyty belgili bolǵan. Qutqarýshylar oqıǵa ornyna jetkende zardap shekken adam jol ústinde otyrǵan. Ol sıraq súıeginiń aýyrýy saldarynan, aıaqqa tura almaǵan. Qutqarýshy-medıktiń aldyn ala dıagnozy boıynsha sapar barysynda áıel aıaǵyn qaıyryp alǵan. Oǵan alǵashqy medıtsınalyq kómek kórsetken qutqarýshylar zardap shekken adamdy arnaıy kólikke jetkizdi»,-delingen habarlamada.
Kelesi kúni kezekshi bólimge taýda aıaǵyn qaıyryp alǵan qyz týraly uqsas aqparat kelip tústi. Alaıda bul joly oqıǵa Kók Jaılaý shatqaly aýmaǵynda bolǵan. Bul áýesqoı taý týrısteriniń arasynda óte tanymal oryn. Ár demalys kúni bul jerde jyl mezgiline qaramastan 100-den 400-ge deıin adam ótedi, sondyqtan marshrýt óte kúrdeli emes, al aımaqtyi kórkine kóz toıady. Osyndaı jaǵdaıǵa qarmastan munda tkelýshilerdiń jaraqat alý jaǵdaılar kóp.
«Bul joly da, soqpaq ýchaskesiniń ylǵaldylyǵyna baılanysty, týrıst qyz taıǵaq jermen ótkende, aıaǵyn tireı almaı, qulap ketken. Qutqarýshylardyń jedel toby atalǵan qyzdy tez tapty. Qutqarýshylar zardap shekken adamdy qarap shyqty, dárigerge deıingi alǵashqy kómekti kórsetti. Zardap shekken adam medbıkelerge jetkizilip, qyzdyń sıraǵy synǵany anyqtaldy»,-delingen baspasóz málimetterinde.
⠀
