Almaty taýlarynda jabaıy ańdar vıdeoǵa túsip qaldy
ALMATY. QazAqparat - Almaty taýlarynda aıý, qar barysy, túlki sekildi jabaıy janýarlar vıdeoǵa túsip qaldy, dep habarlaıdy QazAqparat.
Jabaıy ańdar týraly vıdeo Qazaqstanda qar barysy men onyń popýlıatsııasyn saqtaý jónindegi Snow Leopard Foundation qorynyń Instagram paraqshasynda jarııaldandy.
«Taýda biz joq kezde ne bolatynyn kórgińiz kele me? Bir kamera - birneshe janýar. Jaqynda ǵana biz fototuzaǵymyzdy tekserýge barǵanda tańǵajaı̆yp vıdeolarǵa kýá boldyq. Almatylyqtar karantınniń bitýin kútip jatqanda qalaǵa aıýlar oralypty! Sonymen qatar, bizdiń kamera urǵashy barys pen onyń balasyn, túlkini jáne Alataý taýlarynyń basqa da janýarlaryn túsirip alǵan. Vıdeodan lázzat alyńyz», - dep jazady qordyń resmı paraqshasy.
