Almaty taýlarynda «ylǵaldy» qar kóshkini júrýde
«Qazirgi ýaqytta «ylǵaldy» qar kóshkini júrip jatyr. Mundaı qar kóshkininiń astynda qalǵandar bolsa, olardyń aman qalýǵa múmkindigi joq», - dep habarlady TJD baspasóz qyzmetinde.
Sınoptıkterdiń málimetinshe, Almaty taýlarynda jaýyn-shashynnyń túsýi saldarynan qar deńgeıi 60 sm-den asqan, mamandar qar kóshkini qaýpiniń joǵary (qyzyl) deńgeıin jarııalady.
«Sońǵy eki táýliktiń ishinde Almaty taýlarynda jalpy kólemi shamamen 50 myń tekshe metr bolatyn 10 qar kóshkini júrdi. «Qazseldenqorǵaý», polıtsııa jáne TJD qyzmetkerleri tarapynan blokpostar qoıylyp, halyqtyń taýǵa barýyn shekteý boıynsha ýaqtyly qabyldanǵan sharalarǵa baılanysty qaza tapqandar men zardap shekkender bolǵan joq. Qar kóshkininiń kóbi ótýge ońaı emes jerlerge túsip, taýlardyń baýraıynda toqtady, esh nársege zaqym keltirmedi», - dep tolyqtyrdy TJD.
TJD men «Qazseldenqorǵaý» qala turǵyndary men qonaqtaryn jaýyn-shashynnyń túsý boljamyna baılanysty taýǵa shyǵýdan bas tartýǵa shaqyrdy. Taýda qalǵan týrısterden barlyq qaýipsizdik sharalaryn saqtaýdy surady.