Almaty taýlarynda úsh qyz adasyp ketti
ALMATY. QazAqparat – Almaty taýlarynda adasyp qalǵan úsh qyz qutqaryldy, dep habarlaıdy QazAqparat.
QR Іshki ister mınıstrligi Tótenshe jaǵdaılar komıtetinen málim etkendeı, Qumbel shyńy aýdanyndaǵy taýlarda úsh qyzdyń adasyp ketkeni týraly habarlama 19 tamyz kúni túsken.
«Zardap shekkenderdiń aıtýynsha, Kókjaılaý arqyly shyńǵa kóterilgende, olar Gorelnık shatqalyna aparatyn joldy kórsetetin taqtaıshany kórgen. Sol arqyly qalaǵa da túsýge bolady. Qurbylar osy jolmen júrýdi sheshken. Biraq eshqaısysy soqpaqpen uzaq ýaqyt júrip kórmegen. Joldy shóp basqan. Qyzdar burynǵy jolmen oralýǵa sheshim qabyldaǵan. Eki saǵat ótkennen keıin qajetti soqpaq tabylmaı, zardap shekkender Óńirlik jedel qutqarý jasaǵynyń (ÓJQJ) qutqarýshylarynan kómek suraǵan», - dedi komıtetten.
6 adamnan turatyn jedel top izdestirý jumystaryna shuǵyl shyqqan.
«ÓJQJ qutqarýshylary zardap shekkenderge qońyraý shaldy. Sodan keıin qyzdar geolokatsııany tastady. Bul, izdeý jumystaryn edáýir jedeldetti.
RJQJ qyzmetkerleri dál maqsatty jerge de jyldam jetti. Qyzdar ińirt aýa tabyldy, medıtsınalyq kómekke eshkim muqtaj bolmady. Olar jartasty jarǵa shyǵyp, qarańǵyda jergilikti jerdi bilmeı, ózdiginen shyǵa almaǵan», - delingen aqparatta.
Qutqarýshylar qyzdardy úılerine barynsha jaqyn jerge jetkizip salǵan.
