Almaty taýlarynda tas pen qar kóshkini boldy
ALMATY. QazAqparat - Almaty oblysynda ornalasqan Alataýdyń Túrgen shatqalynda qar kóshkini boldy, dep habarlaıdy QazAqparat tilshisi. Bul týraly «Qazseldenqorǵaý» MM habarlady.
Túrgen-ór Batan avtojolynyń 20 shaqyrymynda 3 tekshe metr tas, 23 shaqyrymynda kólemi 15 tekshe metr qar túsken. Mamandardyń aıtýynsha, qar kóshkini taýdaǵy qysymnyń ózgerýinen bolǵan.
Sonymen qatar, joldyń 25 shaqyrymynda ózen arnasynda muz bógetiniń paıda bolýyna baılanysty 30-35 metr aýmaqqa sý jaıyldy.
Qazir apat saldary tolyǵymen qalpyna keltirildi. Túrgen ózeniniń aǵyny ornyna keldi. Avtojol arqyly kólikter júrip jatyr. Gıdrometeorologııalyq jaǵdaıdyń ózgerýinen kóshkin qaýpi saqtalady.
«Qazseldenqorǵaý» MM Esik jáne Túrgen ózenderiniń shatqaldaryndaǵy kóshkin qaýpi sebebinen aýdan basshylyǵyna jolaýshylar jaǵdaıyn baqylaý týraly hat joldady.
