Almaty taýlarynda shetel azamaty joǵalyp ketti
ALMATY. QazAqparat - Reseıdiń 35 jastaǵy azamaty Almaty taýlarynda joǵalyp ketti, dep habarlaıdy QazAqparat.
Mıhaıl Shabalın tań ata taýǵa ketken. Onyń jaqyndarynyń sózinshe, Mıhaıl Fýrmanov shyńyna kóterilmek bolǵan. Sol kúni keshkisin ol otbasy múshelerine óziniń adasyp ketkenin habarlaǵan. Osy ýaqytta onyń telefony óshirýli tur.
«Joǵalǵan azamattyń jubaıy saǵat 18-00-der kezinde telefon shalyp, kúıeýiniń joǵalyp ketkenin habarlady. Alaıda ol ózi ornalasqan jerdiń baǵyt-baǵdaryn berip úlgergen. Sosyn onyń telefony sónip qalǵan. Birneshe saǵat boldy, biz onyń qaıda ekenin bilmeımiz. Eshqandaı aqparat joq. Joǵalǵan azamatty izdestirýge tótenshe jaǵdaılar qyzmetiniń ókilderi men jergilikti turǵyndar da kiristi»,-dedi joǵalǵan azamattyń jubaıy Marına Shabalına.
Ol ózderiniń reseılik ekendikterin al Almatyǵa jumys babymen kelgendikterin de aıtty.
Tótenshe jaǵdaılar departamenti ókilderiniń habarlaýynsha, joǵalǵan adamdy izdeýge QR ІІM Tótenshe jaǵdaılar komıtetiniń Respýblıkalyq jedel-qutqarý otrıadynyń sarbazdary, kınologtar men Almaty qalasynyń Qutqarý qyzmetiniń ókilderi jumyldyrylǵan.
Maıa Teńizbaeva
