Almaty taýlarynda órttiń aldyn alý úshin dron paıdalanylady

ALMATY. QazAqparat - Almatynyń taýly aımaqtarynda órttiń aldyn alý maqsatynda reıd bastaldy. Ony daýys shyǵaratyn qurylǵysy men teplovızory bar dron baqylaıdy, dep habarlaıdy QazAqparat tilshisi.

Almaty qalalyq tótenshe jaǵdaılar departamenti basshysynyń orynbasary Samat Asaınovtyń sózinshe, Ushqyshsyz ushatyn apparattar órttiń ornyn anyqtaýǵa jáne oqıǵa ornyna mobıldi topty jiberýge múmkindik beredi.

«Biz bul drondy byltyr satyp aldyq. Ol - bir shaqyrym bıiktikke kóterilip, jeti shaqyrymǵa deıin usha alady. Ushqyshsyz ushaq beınekameramen jáne teplovızormen jabdyqtalǵan, ol órt týraly aqparatty birden anyqtap, mobıldi topqa jiberedi «, - dedi spıker.

Onyń aıtýynsha, dron týrıster jıi baratyn baǵyttarǵa jiberiledi. Taýly-ormandy aýmaqty patrýldeý demalys jáne mereke kúnderi júrgiziledi.

Sonymen qatar, ol kúnniń ysýyna baılanysty Almatyda joǵary órt qaýpi saqtalatynyn eske saldy.