Almaty taýlarynda nóser jaýyn jaýyp, jel soǵady
ALMATY. QazAqparat - Aýa raıynyń nasharlaýyna baılanysty tótenshe jaǵdaılar departamenti turǵyndarǵa demalys kúnderi taýǵa shyqpaýǵa keńes berdi, dep habarlaıdy QazAqparat tilshisi.
«Qazgıdromet» taratqan eskertý negizinde Almatynyń tótenshe jaǵdaılar qyzmeti turǵyndarǵa taýǵa shyqpaýǵa keńes beredi. 12-13 maýsym kúni taýly aımaqtarda qatty jańbyr jaýyp, kún kúrkirep, naızaǵaı oınap, daýyl turady», - delingen habarladyrýda.
Ońtústik-shyǵystan soltústik-batysqa aýysatyn jeldiń ekpini sekýndyna 15-20 metrge jetedi.
«112 dabyldy eskertý habarlamasy men buqaralyq aqparat quraldary, teledıdar, radıo taratqan aqparattarǵa qulaq túrip, saqtyq sharalaryn saqtańyz»,- dep atap ótti Almaty qalalyq Tótenshe jaǵdaılar departamentiniń baspasóz qyzmetinen.
