Almaty taýlarynda qutqarý operatsııasy júrgizildi
ALMATY.QazAqparat- Almaty taýlarynda qutqarý operatsııasy júrgizildi. Bul týraly QR ІІM Tótenshe jaǵdaılar salasynyń baspasóz qyzmeti málim etti, dep habarlaıdy QazAqparat tilshisi.
Alataýdaǵy Fýrmanov shyńyna aparatyn jolda 63 jastaǵy azamatsha aıaǵyn jaraqattap alyp, ózdiginen qozǵalýǵa shamasy jetpegen. Mundaı habar Almaty TJD jedel kezekshisine 17 masýym kúni saǵat 15:45-te túsedi.
Saǵat 15:53-te QR ІІM TJK Respýblıkalyq jedel qutqarý toby quramynda 6 adam, kınologııalyq qyzmet, avtokólik tehnıkasymen jolǵa shyǵady.
«Kishi Almaty shatqalynda ózendi qaraıtyn topqa radıo baılanys arqyly habar jiberilip, jaraqat alǵan adamdy qutqarýǵa jumyldyryldy. Top jedel túrde japa jegýshige qaraı kóteriledi. Osy sátte oqıǵa ornyna ekinshi qutqarý toby da kelip jetti. Jaraqattanǵan áıel taýdan túsirý jumystarynan keıin, Kim Asar shatqalynda jedel kólikke ornalastyryldy. Ári qaraı jedel-járdem qyzmetkerlerine tapsyryldy»,-dep málim etti QR ІІM TJK baspasóz qyzmeti.
Qutqarýshylar taýǵa shyǵar aldynda turǵyndarǵa qaýipsizdik erejelerine muqııat bolýdy eskertedi. Taýǵa arnalǵan kıim men aıaq kıimniń jaıly bolýy shart. Ózimen birge alyp júrýge tıis zattardyń ishinde jyly kıim, mobıldi telefondy qosymsha qýattandyrý kózi, ot tutatatyn qural mindetti túrde bolý tıis.
Sondaı-aq múmkindiginshe GPS baǵytatýshysyn qaltaǵa salyp júrgen abzal. Shyńǵa shyǵý úshin ońaı joldy tańdaý kerek. Tipti ol alys jol bolǵan kúnde de jartasty jer bolmaǵany durys.
Toptan ajyramaı birge kóterilgen jón. Qozǵalys qarqynyn toptaǵy eń baıaý adamnyń jyldamdyǵymen belgilený kerek. Tumandy kúni nemese qas qaraıǵan shaqta taýǵa shyǵýdy keıinge qaldyrǵan durys.
