Almaty taýlarynda kóshkin júrýi yqtımal
ALMATY. QazAqparat – Almaty qalalyq Tótenshe jaǵdaılar departamenti taýda kóshkin júrýiniń yqtımal ekendigin eskertti, dep habarlaıdy QazAqparat tilshisi.
«Úlken jáne Kishi Almaty ózenderiniń basseınderinde jaýyn-shashynnyń kútilýine jáne qar jamylǵysynyń turaqsyz jaǵdaıyna baılanysty 1-4 mamyr aralyǵynda qar kóshkini qaýpi saqtalady», – dep habarlady departamentten.
Mamandar qar kóshkini júrý yqtımaldyǵyna baılanysty qarly betkeılerge shyǵýǵa bolmaıtyndyǵyn aıtady, sonymen qatar turǵyndarǵa taýda abaı bolýǵa keńes berdi.
«Qazgıdromet» RMK boljamyna sáıkes, Qazaqstanda mereke kúnderi 36 gradýsqa deıin kún ysıdy. Biraq tsıklondar da kóp kúttirmeıdi – 1 mamyrda elimizdiń ońtústik-shyǵysy men shyǵysynda jańbyr jaýady, keı jerlerde qatty jańbyr jaýady, naızaǵaı oınaıdy, jeldiń ekpini 23-28 m/s-qa deıin kúsheıedi, burshaq jaýýy múmkin.
