Almaty taýlarynda kelinshek joǵalyp ketti
ALMATY. QazAqparat - Almaty taýlarynda bir kelinshek joǵalyp ketti, dep habarlaıdy QazAqparat tilshisi.
Respýblıkalyq jedel-qutqarý jasaǵynyń qutqarýshylary Іle- Alataýynda joǵalyp ketken áıeldi izdep jatyr.
Respýblıkalyq jedel-qutqarý jasaǵyna joǵalǵan qyz týraly aqparat 7 shilde kúni tústi. Anasynyń aıtýynsha, ol taýǵa 5 shildede ketken. Kýágerler ony sońǵy ret Úlken Almaty kóliniń mańynda kórgen. Qyzdyń telefony úıde qalǵan.
«Búgin respýblıkalyq jedel-qutqarý jasaǵynyń 5 adamnan turatyn jeke quramy izdeý-qutqarý jumysyn bastap ketti. Qutqarýshylar eki topqa bólindi. Bireýi - Almaty-Alagır asýyna qaraı, ekinshi top Sovetter shyńy jaqqa qaraı bet aldy. Sonymen qatar, olar gıdrologııa stansasynyń joǵary jaǵyndaǵy ormandy da qarap shyǵady», - dep habarlady Respýblıkalyq jedel-qutqarý jasaǵynyń baspasóz qyzmeti.
