Almaty taýlarynda qaza tapqan azamatty qutqarýǵa avıatsııa nege kelmedi – mınıstrdiń jaýaby
NUR-SULTAN. QazAqparat – QR Tótenshe jaǵdaılar mınıstri ıÝrıı Ilın Almaty taýlarynda qaza tapqan er adamdy qutqarýǵa nelikten avıatsııa kómekke kelmegenin túsindirdi, dep habarlaıdy QazAqparat tilshisi.
«BAQ-taǵy málimetter, ásirese, blogerlerdiń ony kórgendigi, eshkim qutqarmaǵandyǵy týraly teris aqparattar jazyp jatyr. Respýblıkalyq qutqarý otrıady men Almaty qalasy ákimdiginiń qutqarý qyzmeti jedel toby izdeý jumystaryn kúni-túni toqtatqan emes. Geolokatsııa boıynsha sońǵy tabylǵan adam keıinen uıaly telefon geolokatsııasynan 1 shaqyrym jerde anyqtaldy. Dybys berdi, aıqaılady, ol da estidi, qutqarýshylarymyz da estidi degen naqtylanǵan esh aqparat joq», - dedi ıÝrıı Ilın Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, er adam óte aýyr jaǵdaıda, aıaǵyn úsik shalǵan kúıde tabylǵan.
«Atalǵan azamatty tez arada medıtsınalyq mekemege jetkizýdi bastadyq, tún bolyp ketti. Nelikten avıatehnıka qoldanylmady? Іzdeý jumystary júrgizilogen eki kún boıy tikushaqty áýege kóterýge tyrystyq. Qazgıdromet bizge meteoahýal týraly málimet beredi. Biz Qazaqstannyń búkil aýmaǵyna ortaq avıatsııalyq qaýipsizdik erejelerine baǵynamyz. Qazavıanavıgatsııa qutqarý jumystary úshin Qazavıaqutqarý bólimsheleriniń ushýyna ruqsat bergen joq. Degenmen, izdeý júrgizilgen aýdanda aspan birshama ashyq boldy. Alaıda, tikushaq ushýy Azamattyq avıatsııa komıtetiniń Almaty qalasyndaǵy bólimshesi ruqsatymen júzege asyrylady», - dep túsindirdi mınıstr.
Almatynyń taýly aýmaǵynda joǵalyp ketken er adam 2 táýlikten keıin tabylǵanyn jazǵan bolatynbyz. Keıin ol er adam qaıtys boldy.
