Almaty taýlarynda qar kóshkini júrýi yqtımal
ALMATY.QazAqparat – Almaty taýlarynda qar kóshkini qaýpi saqtalady, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń málimetinshe, kúnniń jylynýyna baılanysty taýly jerlerde qar kóshkini júrýi múmkin.
«Jylymyqtyń áserinen, qar jamylǵysynyń turaqsyz bolýyna jáne kúnniń ysýyna baılanysty Kishi jáne Úlken Almaty (2300 metr bıiktiginen joǵary aýmaqta) basseıninde 19-23 sáýir aralyǵynda qar kóshkini qaýpi saqtalady»,– dep habarlady vedomstvodan.
TJD turǵyndarǵa taýly jerlerge barmaýǵa keńes beredi.
