Almaty taýlarynda qar kóshkini júrýi múmkin
ALMATY. QazAqparat –Almaty taýlarynda kóshkin júrý qaýpi saqtalady, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń habarlaýynsha, kúnniń jylynýyna baılanysty taýly jerlerde qar kóshkini júrýi múmkin.
«Jylymyqtyn áserinen, qar jamylǵysynyń turaqsyz bolýyna jáne jaýyn-shashynnyń kútilýine baılanysty Kishi jáne Úlken Almaty (2300 metr bıiktiginen joǵary aýmaqta) ózenderi sý alabynda 13-16 sáýir aralyǵynda qar kóshkini qaýpi saqtalady»,– dep habarlady vedomstvodan.
TJD turǵyndarǵa taýly jerlerge barmaýǵa keńes beredi.
