Almaty taýlarynda qar kóshkini júrdi
ALMATY. QazAqparat- Almatydaǵy Shymbulaq aýmaǵynda qar kóshkini júrdi, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń málimetinshe, búgin túski saǵat 12:33-te «Edelveıs» qonaqúıi aýdanyndaǵy Kishi Almaty ózeni basseıninde qar kóshkini júrdi.
«Túsken qar massasy - 700 tekshe metr. Kóshkin Shymbulaq-Tuıyq Sý jolynda toqtap, ony jaýyp tastady. Qaza bolǵandar, zardap shekkender joq. Qıraý da tirkelgen joq. Joldy «Qazseldenqorǵaý» MM tazalady»,- dep habarlady vedomstvodan.
Qutqarýshylar turǵyndardy qar kóshkinin týdyrmaý úshin taý betkeılerine shyqpaýǵa, sondaı-aq jeke qaýipsizdik sharalaryn saqtaýǵa, taýda jaıaý serýendeýden bas tartýǵa shaqyrady.
Buǵan deıin Shymbulaq pen Úlken Almaty kóline baratyn jol jabylǵany týraly jazǵan bolatynbyz.
Ashyq kózderden alynǵan foto
