Almaty taýlarynda qar kóshkini boldy
ALMATY. QazAqparat – Almaty taýlarynda qar kóshti, dep habarlaıdy QazAqparat tilshisi.
Buǵan deıin Almaty qalalyq tótenshe jaǵdaılar departamenti qardyń mol túsýine baılanysty taý bókterinde qar kóshkini bolatynyn habarlaǵan.
Tabıǵı qubylysty baqylaǵan «Qazseldenqorǵaý» MM qyzmetkerleri kóshken qar Úlken Almaty kóli mańyndaǵy jolǵa kelip toqtaǵanyn aıtty.
«17 aqpanda Úlken Almaty kóline aparatyn (Josaly kóli) jol boıyndaǵy Qumbel baqylaý beketiniń mańynda qar kóshkini boldy. Kóshken qardyń qalyndyǵy - 70 tekshe metr. Jol ýchaskelerin tazartý úshin «Qazseldenqorǵaý» memlekettik mekemesiniń 2 tehnıkasy men 6 jumysshy jumyldyryldy. Kólik júretin jol ashyq. Zardap shekkender joq»,- dep habarlaıdy TJD baspasóz qyzmeti.
