Almaty taýlarynda qar barysynyń zoobaǵy ashylady
ALMATY. QazAqparat - Almaty bıligi joıylýdyń az-aq aldynda turǵan qar barysyna arnalǵan zoobaq ashpaq. Bul týraly Almaty zoobaǵynyń dırektory Erjan Erkinbaev aıtty, dep habarlaıdy QazAqparat tilshisi.
Erekshe kúzetti talap etetin nysan adamdarǵa qol jetimsiz jerde bıik taýda jasaqtalady.
Ondaǵan gektardy alyp jatqan terrıtorııada taý eshkileri, buǵylar mekendeıtin bolady. Bul qar barystarynyń qorektik bazasy bolmaq.
«Bıyl Shyǵys pýmasy resmı túrde joıylǵan janýar sanatyna endi. Kelesi joıylatyn janýar qar barysy bolýy ǵajap emes. Álemde 4-7 myń qar barysy qalǵan. Alataýda onyń 100 shaqtysy mekendeıdi. Qazaqstan - qar barysy mekendeıtin 12 eldiń biri. Biraq bizde osy janýardy saqtap, kóbeıtýge arnalǵan baǵdarlama joq», - dedi Erjan Erkinbaev.
Onyń aıtýynsha, bıyl zoolog ǵalymdar men Zoologııa ınstıtýtynyń ókilderi ǵylymı zertteý júrgizip jatyr.
«Eger naýryzda Almaty ákimdigi men Úkimet aldynda bıologııalyq negizdememizdi qorǵasaq, keler jyly demeýshilerdiń qarjysyna qar barysyna zoobaq salamyz»,- dedi ol.
