Almaty taýlarynda qalyp qoıǵan qyz ben jigit tabyldy
Respýblıkalyq jetel qutqarý jasaǵy baspasóz qyzmetiniń málimetinshe, 20 shilde kúni Talǵar aýdanyndaǵy «Aqbulaq» taý kýrortynyń janynda 19 jastaǵy jigit pen 16 jastaǵy qyz Rahat shyńyna jaıaý kóterilgen.
«Olardyń serýeni túste bastalǵan, alaıda, maqsatty jerine jetkende, qarańǵy túsip, kesh batqan. Jastar óz kúshin eseptemegenin túsindi, alaıda tómen túsý olarǵa qıyn boldy. Amalsyz kómekke júgindi. Saǵat 22:15 kezinde 7 qutqarýshy, onyń ishinde kınologııalyq top jolǵa shyqty», - dep habarlady jasaqtan.
Túngi ýaqytta izdestirý jumysy kúrdelene túsken.
2,5 saǵattan soń qutqarýshylar jastardy bıiktigi 3 400 metr bolatyn Rahat shyńynan tapqan.
«Qutqarýshylar olarǵa búkil qajetti kómekti kórsetip, tańǵy saǵat 04:00 shamasynda «Aqbulaq» bazasyna jasaq kóligimen jetkizdi. Sondaı-aq, jastarǵa túsindirý jumysy ótkizildi»,- dedi vedomstvodan.
Eske salaıyq, Almatyda taýǵa shyǵatyn týrıster júretin marshrýttaryn qutqarýshylarmen aldyn ala kelisýi tıis.
Zańnamaǵa engiziletin bul ózgeris týraly Almatyǵa jumys saparymen kelgen Tótenshe jaǵdaılar mınıstri ıÝrıı Ilın aıtqan edi.