Almaty taýlarynda eki boıjetken jaraqat aldy
ALMATY. QazAqparat – Almaty qalasynyń qutqarýshylary taýǵa shyǵatyn týrısterdi, daıyndyqsyz joryqtar qaýip-qaterge toly ekenin eskertedi, dep habarlaıdy QazAqparat tilshisi.
«109» qyzmetiniń málimetinshe, ótken juma kúni qutqarýshylar taýda jaraqat alǵan eki boıjetkendi qutqardy. Bir kúnde eki jaǵdaı tirkelgen.
«7 tamyz kúni túski ýaqytta Kókjaılaý aýdanynda 16 jastaǵy qyz qutqaryldy. Ol taýdan tómen qaraı túsip kele jatqan kezde tepe-teńdikti joǵaltyp, qol-aıaǵyn jaraqattap alǵan. Sol kúni keshke «109» qutqarý qyzmetine taǵy 18 jastaǵy bir qyz habarlasty. Ol «Myńjylqy» stansasynda jaraqat alǵan», - delingen qutqarý qyzmetiniń habarlamasynda.
