Almaty taýlarynda Dana atty qar barysy balalarymen birge serýendep júr

ALMATY. QazAqparat - Almaty mańyndaǵy taýlarda birneshe qar barysy fototuzaqqa túsip qaldy. Vıdeony «Kazakh Tourism» ulttyq kompanııasy» AQ basqarma tóraǵasy Erjan Erkinbaev Instagram paraqshasynda jarııalady, dep habarlaıdy QazAqparat.

«Kameramyzǵa jańa kórinisterdi túsirip aldyq! Dana áli kúnge deıin balalaryn mápelep júr. Al olar anasynan da úlken bolyp ósip ketken. Ózderi tamaq taýyp jese bolady ǵoı. Kúshikterdiń jaǵdaıy jaqsy sııaqty. Terisi jyltyrap tur, ash-aryq emes. Bul jaqsy» dep jazdy Erjan Erkinbaev.

Eske sala keteıik, Dana atty urǵashy qar barysy jyl basynda eki balasymen vıdeoǵa túsip qalǵan edi.

Taıaýda Almaty taýlarynda eki qabylannyń kúıek kezindegi «áńgimesi» áleýmettik jelide taraǵan bolatyn.

Іle Alataýy memlekettik ulttyq tabıǵı parkiniń tarıhynda alǵash ret úsh birdeı qar barysy 2018 jyldyń jeltoqsanynda kózge túsken .