Almaty taýlarynda bir qyz adasyp ketti
ALMATY. QazAqparat - Respýblıkalyq jedel-qutqarý jasaǵynyń qutqarýshylary taýda adasyp qalǵan qyzǵa kómektesti, dep habarlaıdy QazAqparat tilshisi.
26 qyrkúıekte Respýblıkalyq jedel-qutqarý jasaǵynyń kezekshi bólimine, taýda adasqan qyz týraly aqparat kelip tústi.
Tótenshe jaǵdaılar departamentiniń jedel kezekshisiniń aıtýynsha, boıjetken Qumbelsý shatqalyna deıin jalǵyz ózi baǵyt alǵan, alaıda soqpaqtan adasyp ketken. Abyroı bolǵanda týrıst geolokatsııalyq málimetti jibergen.
Іzdestirý-qutqarý jumystaryna RJQJ qutqarýshylarynyń jedel toby shaqyryldy. Top jetekshisi Qumbelsý shatqalynan týrıstke qaraı túsýge sheshim qabyldady.
Kúnniń batyp ketýi joldan adasyp ketken týrısti izdeýge qıyndyq týǵyzdy
Soǵan qaramastan, qyz tez tabyldy, ol joldan 200 metr qashyqtyqta boldy.
Jedel top joǵalǵan týrıstti 27 qyrkúıek kúni tańerteń Medeýge deıin túsirip, týystaryna aman-esen tapsyrdy.
