Almaty taýlarynda aıaǵyn syndyryp alǵan Reseı azamaty qutqaryldy
ALMATY. QazAqparat - Qutqarýshylar Almaty taýlarynda aıaǵyn syndyryp alǵan Reseı azamatshasyn zembilmen alyp tústi, dep habarlaıdy QazAqparat tilshisi.
Respýblıkalyq jedel qutqarý jasaǵynyń kezekshilik-dıspetcherlik bólimshesine 12 mamyrda áıel adam kómek surap habarlasqan.
Reseı azamatshasy Aqsaı shatqalynda serýendep júrip, aıaǵyn syndyryp alǵan.
Jedel qyzmet kezekshisi áıeldiń otyrǵan jeriniń qaı jerde ornalasqanyn anyqtap alǵan. Oqıǵa ornyna 8 adamnan turatyn qutqarý jasaǵy men kınologııalyq qyzmet ókilderi jiberildi.
Oqıǵa ornyna jetken jedel járdem ókilderi áıelge alǵashqy kómek kórsetti. Qutqarýshylar ony taý etegine zembilmen túsirip, aýrýhanaǵa jetkizdi.
QR ІІM TJK baspasóz qyzmeti taýǵa, tabıǵat aıasyna serýenge jalǵyz shyqpaýǵa, týystaryna baratyn jeri týraly aıtyp ketýge keńes beredi.
«Eger qulap qalǵan soń júrgende nemese bir zatqa súıengende aýyrsyný baıqasańyz, bir orynda qozǵalmaı otyrýyńyz kerek», - delingen habarlamada.
