Almaty taýlarynda ápkesi men inisi adasyp ketti
ALMATY. QazAqparat –Іle-Alataý aımaǵyndaǵy memlekettik ulttyq saıabaqta ápkesi men inisi adasyp ketken, dep habarlaıdy QazAqparat tilshisi.
QR ІІM TJK baspasóz qyzmetiniń habarlaýynsha, 7 mamyr kúni inisi men ápkesi tanymal týrıstik marshrýt boıynsha taýǵa shyqqan. Olar Kókjaılaý arqyly Kýmbel shyńyna shyǵyp, keıin Gorelnık shatqalynyń arasymen Medeý arqyly úıge oralýdy josparlaǵan.
«Alaıda, ápkesi men inisi kesh batqanǵa deıin tómen túsip úlgermegen. Olar sharshap, tonyp qalǵan. Gorelnık aýdanynda joldan adasyp, óz beterinshe jol tabýǵa tyrysqan. Olardyń bul áreketteri esh nátıjıe bermedi. Sóıtip kómek surady. Sýyqtan qyzdyń aıaǵy tartylyp, júre almaı qalǵan»,– delingen habarlamada.
Olar QR ІІM TJK Respýblıkalyq jedel-qutqarý jasaǵynyń kezekshi - dıspecherlik bólimshesine geolokatsııalyq habarlama jibergen.
Oqıǵa ornyna RJQJ jedel toby ıisshil ıt ertip attandy. Túngi ýaqytqa qaramastan qutqarýshylar zardap shekkenderdi taýyp, alǵashqy medıtsınalyq kómek kórsetti.
