Almaty taýlarynda adasyp ketken týrıster qutqaryldy
ALMATY. QazAqparat – Almaty taýlarynda adasyp ketken týrıster qutqaryldy, dep habarlaıdy QazAqparat tilshisi.
Úsh týrıst «Shymbulaq» shyńynan tabyldy.
Qalalyq qutqarý qyzmetiniń habarlaýynsha, 1 jeltoqsan kúni 109 qyzmeti eki qutqarý operatsııasyn júrgizdi.
«Alǵashqy habarlama, qutqarý qyzmetiniń 109 basqarý pýltine keshki saǵat 18:45-te tústi. Qońyraý shalǵan úsh týrıst qarańyǵy túsip ketkendikten, qaıtar joldy taba almaı adasyp ketkenderin aıtty. Olar «Shymbulaq» taý shańǵysy kesheniniń joǵary jaǵynda qalyp qoıǵan. Іzdeý jumystaryna 3 qutqarýshy jumyldyryldy. Qutqarýshylar týrısterdi teńiz deńgeıinen 2900 metr bıiktikte taýyp aldy. Olardyń barlyǵy tómenge túsirildi. Eshqandaı adam zardap shekken joq»,– dedi qalalyq qutqarý qyzmetiniń baspasóz qyzmetinen.
Sondaı-aq, Medeý aýdanyna qarasty, «Dýman» shaǵynaýdanynyń mańynda da qutqarý júmystary júrgizildi.
«Habar berýshiniń aıtýynsha, Teksaı ózeninde muz keptelisi paıda bolyp, sý deńgeıi kóterilip ketken. Sonyń saldarynan, jeke úıler men Talǵar tas jolyn sý basý qaýpi týyndaǵan. Oqıǵa ornyna 4 tehnıka birligi men 5 jeke quram jiberildi. Mamandar ózen arnasyn muzdan tazartty.
