Almaty taýlarynda adasyp ketken erli-zaıyptylar qutqaryldy
ALMATY. QazAqparat - Respýblıkalyq jedel-qutqarý jasaǵy taýda erli-zaıyptylardy qutqardy, dep habarlaıdy QazAqparat tilshisi.
30 mamyr kúni respýblıkalyq jedel-qutqarý jasaǵyna «Lesnaıa Skazka» demalys aımaǵynda adasyp ketken erli-zaıyptylar týraly habarlama tústi.
Aqparatty alǵannan keıin zardap shekkenderge kómek kórsetý úshin respýblıkalyq jedel-qutqarý toby men kınologııalyq jasaq jolǵa shyqty.
«Qolda bar aqparatty basshylyqqa ala otyryp, respýblıkalyq jedel-qutqarý jasaǵy men demalys aımaǵynyń qutqarýshylary erli-zaıyptylardy tez taýyp aldy. Týrısterdi avtoturaqqa deıin jetkizip, týystaryna tapsyrdy» delingen habarlamada.
