Almaty taýlarynda 11 sáýirden beri on ret qar kóshti

ALMATY. QazAqparat – Almaty taýlarynda keıingi táýlikter ishinde ózdiginen 10 márte qar kóshkini júrdi, dep habarlaıdy QazAqparat tilshisi.

Sınoptıkterdiń málimetinshe, 6-11 sáýir aralyǵynda Shymbulaq taýyna 100 mm, Úlken Almaty kóline 106 mm jaýyn-shashyn jaýdy.

«Tek sońǵy úsh táýliktiń ishinde, ıaǵnı 11-13 sáýir arasynda Almaty taýlarynda jalpy kólemi shamamen 183 myń tekshe metr ózdiginen 10 qar kóshkini júrdi. Qar kóshkininiń kóp bóligi adam ótpeıtin jerlerge túsip, taýlardyń baýraıynda toqtady. TJD men «Qazseldenqorǵaý» almatylyqtarǵa, týrısterge jáne qala qonaqtaryna «Qazgıdromettiń» jaýyn-shashyn týraly boljamyna baılanysty taýǵa shyǵýdan bas tartýǵa keńes beredi», - dep habarlady qalalyq TJD-dan.

Eske salaıyq, qalalyq TJD Almaty taýlarynda «ylǵaldy» qar kóshkini júrip jatqanyn habarlaǵan bolatyn