Almaty taýlarynan tabylǵan týrıst qyz jansaqtaý bóliminde jatyr
ALMATY. QazAqparat - Almaty taýlarynan tabylǵan týrıst qyz jansaqtaý bóliminde jatyr. Bul týraly qalalyq qoǵamdyq densaýlyq saqtaý basqarmasy málim etti, dep habarlıady QazAqparat tilshisi.
Taýdan tabylǵan Álııa Qamıeva tótenshe jaǵdaılar kyzmetiniń brıgadasymen №7 qalalyq klınıkalyq aýrýhanasynyń qabyldaý bólimshesine jetkizildi.
«Reanımatsııada mýltıdıstsıplınarlyq top jan-jaqty tekserip qarady, barlyq qajetti zerthanalyq-dıagnostıkalyq zertteýdi júrgizildi. Túsken kezdegi jaǵdaıy aýyr, sóıleı almaıdy. Ári qaraı baqylaý jáne emdeý úshin anestezıologııa, qarqyndy terapııa jáne reanımatsııa bólimshesine jatqyzyldy»,-dep habarlady Almaty qoǵamdyq dens aýlyq saqtaý basqarmasynyń baspasóz qyzmeti.
Buǵan deıin, týrıst qyzdy taýdan túsirý úshin tikushaq jiberilgenin jazǵan bolatynbyz.
Eske salaıyq, 31 jastaǵy Álııa Qamıeva 5 shildede úıinen shyǵyp ketip, qaıtyp oralmaǵan. Onyń anasy 7 shilde kúni qutqarýshylarǵa júgindi.
Kýágerler almatylyq qyzdy sońǵy ret Úlken Almaty kóliniń mańynan kórgen.
Іzdestirý-qutqarý jumysyna qutqarýshylardyń maksımaldy kúsh-quraldary jiberildi.
Atap aıtar bolsaq, respýblıkalyq jedel-qutqarý jasaǵynyń qyzmetkerleri kınologııalyq esepter, «109» qutqarý qyzmeti, 75 volonter atsalysty.
