Almaty taýlarynan shyqqan órt dronnyń kómegimen baqylanady
ALMATY. QazAqparat - Orman alqaptaryndaǵy órt dronnyń kómegimen baqylanady. Bul týraly Almaty qalalyq TJD basshysynyń mindetin ýaqytsha atqarýshy Samat Asaınov baspasóz máslıhatynda aıtty, dep habarlaıdy QazAqparat tilshisi.
Onyń aıtýynsha, Almatyda órt qaýpi kezeńi bastalyp ketti.
Búgingi kúni orman alqaptaryn patrýldeý kestesi ázirlendi. Ásirese, demalys jáne mereke kúnderi erekshe baqylaýǵa alynady.
Orman-dala alqaptarynda órt qaýipsizdigi talaptaryn saqtaý boıynsha demalýshylar arasynda belsendi túrde úgit-nasıhat jumysy júrgizilip jatyr.
Sondaı-aq Almaty taýlaryndaǵy órtter dronnyń kómegimen baqylanady.
«2 mamyrdan bastap reıd júrgize bastadyq, Іle Alataýy memlekettik ulttyq tabıǵı park qyzmetkerleri bir ot tutatý faktisin anyqtady. Tártip buzýshyǵa 100 AEK (345 myń teńge) kóleminde aıyppul salyndy»,- dedi spıker.
Aıta keteıik, Іle Alataýy ulttyq parkinde ystyq tamaq daıyndaý úshin arnaıy jabdyqtalǵan – 14 oryn, Alma-Arasan shatqalynyń aýmaǵynda - 12 oryn, «Býtakovkada» 2 oryn bar.
