Almaty taýlarynan er adamnyń denesi tabyldy
ALMATY. QazAqparat – Búgin Almaty taýlarynda izdestirý-qutqarý jumystaryn júrgizý kezinde er adamnyń denesi tabyldy, dep habarlaıdy QazAqparat.
Aldyn ala derek boıynsha ol – tórt kún boıy izdestirilip jatqan týrıst. Reseı Federatsııasynyń 1984 jyly týǵan azamaty 5 tamyzda tańerteń taýǵa ketip, joǵalyp ketken bolatyn.
«Qazaqstandyq qutqarýshylar jyl saıyn taýda 160-qa jýyq týrıstti qutqarady. Bıyl jyl basynan beri taýly jerlerde 152 adam qutqaryldy», – dedi Tótenshe jaǵdaılar mınıstrligi baspasóz qyzmetinen.
