Almaty taýlaryna ǵashyq boldym -Olımpıadaǵa Argentınadan kelgen qatysýshy
ALMATY. QazAqparat - Almatydaǵy ınformatıkadan Halyqaralyq olımpıadaǵa (IOI-2015) qatysý úshin kelgen argentınalyq oqýshy Maksımılıano Redıgonda Qazaqstannyń oǵan týǵan jerin eske salatynyn aıtty.
«Elderińizge bir kórgennen ǵashyq boldym. Qazaqstannyń mádenıeti, tabıǵaty Argentınamen uqsas dep sanaımyn. Eger Qazaqstanǵa taǵy bir ret kelý múmkindigi týyndasa, múdirmeı kelisemin», - dedi ol.
Argentınalyq oqýshy Medeý men Shymbulaqqa jasaǵan ekskýrsııanyń barysynda onyń tobyn taý peızajy erekshe áserde qaldyrǵanyn qosyp aıtty.
«Taýlardy óte qatty jaqsy kóremin, ózim shańǵy tebemin. Almaty taýlaryna ǵashyq boldym. Ony sýretke kóp túsirdim, olardy Argentınadaǵy dostaryma kórsetkim keledi. Múmkin bolashaqta osynda birge kelermiz», - dep bólisti josparlarymen M.Redıgonda.
Eske sala keteıik, osy kúnderi Almatyda ınformatıkadan XXVII Halyqaralyq olımpıada ótip jatyr. Oǵan álemniń 83 elinen kelgen 324 oqýshy qatysýda.
Búgin qatysýshylar birinshi ekskýrsııaǵa shyqty:balalar «Medeý» sport kesheni, Shymbulaq taý-shańǵy kesheni jáne Qazaq memlekettik tsırkine bardy.
