Almaty taýlaryna adamdardyń shyǵýyna tyıym salyndy
ALMATY. QazAqparat - Almaty taýlarynda órt qaýiptiligine baılanysty adamdardyń taýǵa shyǵýyna tyıym salyndy, dep habarlaıdy QazAqparat tilshisi.
Bul týraly Іle Alataýy ulttyq parkiniń bas dırektory Damır Malkeldıev Feısbýktegi paraqshasynda jazdy.
«Qurmetti turǵyndar, qazir taýlarymyzda V - órt qaýipsizdiginiń eń joǵarǵy qaýiptiligi deńgeıi jarııalandy. Qurǵaqshylyq pen aptap ystyqtan taý ormandaryndaǵy qurǵaq shópter kez-kelgen ýaqytta lap ete qalýy múmkin. Tótenshe jaǵdaıdyń aldyn alý maqsatynda Іle Alataý parkiniń ákimshiligi park aımaǵyna adamdardyń kirýine tyıym salady. Úlken Almaty kólinde baqylap ótkizý beketi ornatylady», - dedi Damır Malkeldıev.
Aıta ketý kerek, qazir Almatyda aýa temperatýrasy 33 gradýsty kórsetip tur.
