Almaty taý bókterinen qara topyraqty zańsyz tasý áli de jalǵasýda
ALMATY. QazAqparat – Almaty taýlarynan qara topyraqty zańsyz tasymaldaıtyndar sany azaıar emes. Bul týraly onlaın brıfıng barysynda Medeý aýdanynyń ákimi Áset Masabaev aıtty, dep habarlaıdy QazAqparat tilshisi.
Aýdan ákiminiń málimetinshe, bıylǵy jyldyń úsh aıynda qorshaǵan ortany qorǵaý jáne ekologııa bóliminiń qyzmetkerleri Medeý aýdanynyń tabıǵatty qorǵaý polıtsııasy bólimimen birlesip «Almaty qalasynyń aýmaǵyn abattandyrý erejelerin» buzǵany úshin 2,9 mln tengege 184 hattama toltyrdy.
«Aıta ketý kerek, taý bókterinen qara topyraqty zańsyz tasý faktileri áli de jalǵasýda. Munda biz ekologtarmen, blogerlermen jáne polıtsııa qyzmetkerlerimen birge reıdter júrgizemiz», - dedi Áset Masabaev.
Sonymen qatar, ol bıyl aýdanda 41 750 tal otyrǵyzý josparda ekenin tilge tıek etti.
«Aǵymdaǵy jyldyń 15 mamyryna deıin aýdan ákiminiń apparaty 360 tal otyrǵyzýdy josparlap otyr, onyń 280-i otyrǵyzyldy, jeke seriktester tarapynan 1340, onyń ishinde 860 otyrǵyzyldy jáne Almaty qalasy Jasyl ekonomıka basqarmasymen – 40 050, onyń ishinde 3 myń tal otyrǵyzyldy»,- dedi ol.
