Almaty taý bókterinde belgisiz bireýler qara topyraqty zańsyz tasyǵan
ALMATY. QazAqparat – Almaty taýlarynan qara topyraqty zańsyz tasymaldaǵandar ustaldy, dep habarlaıdy QazAqparat tilshisi.
Qalalyq Polıtsııa departamenti atalǵan derekke baılanysty túsinik berdi.
«Zań buzýshylar QR QK 505-babymen (qalalar men eldi mekenderdi abattandyrý erejesin buzý, ınfraqurylym nysandaryn, jasyl jelekti joıý) is tirkeldi. Olardyń árqaısysyna 30 AEK (83340 tg) kóleminde aıyppul salyndy», - dedi PD resmı ókili Saltanat Ázirbek.
Munyń aldynda polıtsııa qarap topyraq urlaǵandardy ustaǵan bolatyn.
Aıta ketý kerek, aport alma baǵyn shaýyp, qunarly qara topyraǵyn kólikpen alyp ketpek bolǵan.
Almaty qalasy Ekologııa departamentiniń qyzmetkerleri osyndaı zańbuzýshylyqtar málim bolǵan jaǵdaıda 87015055505 nómirine habarlasýǵa shaqyrady.
