«Almaty-Tashkent» jolynda 80 adam qar qursaýynan shyǵaryldy
NUR-SULTAN. QazAqparat – Ótken túnde «Almaty-Tashkent-Termez» jolynda qar qursaýynda qalyp qoıǵan 80 adam qutqaryldy. Bul týraly «QazAvtojol» UK» AQ baspasóz qyzmetiniń jetekshisi Marjan Ordabaı málim etti, dep habarlaıdy QazAqparat.
«Ótken túnde jol qyzmetteriniń kúshimen «Almaty-Tashkent-Termez» jolynda jolaýshylar avtobýsy, sondaı-aq jolaýshylary bar jeńil kólikter qar qursaýynan shyǵaryldy. Olar atalǵan jol ýchaskesi jabylǵanǵa deıin saparǵa shyqqan kólikter. 593-632 shaqyrym aralyǵynda avtokólikterdiń qozǵalysy qıyndaǵan», - delingen habarlamada.
Belgili bolǵandaı, joldan shyǵyp ketken osy avtobýsqa kómek kórsetildi. Bul oqıǵa saldarynan jolaýshylar zardap shekpedi.
«Avtobýstyń 36 jolaýshysy men jeńil kólikterde bolǵan 44 adamdy joldy paıdalaný ýchaskeleriniń, «Qazaqavtojol» JShS, «QazAvtojol» UK» AQ qyzmetkerleri sol mańdaǵy Túrkistan oblysyndaǵy Shaqpaq baba eldi mekenine jetkizildi», - dep atap ótilgen ótken kompanııa málimetinde.
Aıta keteıik, respýblıkalyq mańyzdaǵy avtokólik joldarynda qaýipsizdikti qamtamasyz etý maqsatynda birneshe oblys aýmaǵynda kólik qozǵalysyna ýaqytsha shekteý engizilgen bolatyn.
