Almaty – Tashkent – Termez tas jolyndaǵy jol apatynan eki adam kóz jumdy

ALMATY. QazAqparat – 7 tamyz kúni saǵat 18:00 shamasynda respýblıkalyq mańyzy bar Almaty-Tashkent-Termez tas jolynyń 720 shaqyrymynda jol apaty boldy, dep habarlaıdy QazAqparat.

ІІM baspasóz qyzmetiniń málimeti boıynsha, Van Hool avtobýsynyń oń jaq dońǵalaǵy jarylyp, joldyń eki jaqtamasyn bólip turatyn temir qorshaýdy qıratqan. Osylaısha, avtobýs qarsy baǵytta óz jolymen kele jatqan MAN júk kóliginiń artqy tirkemesine soqtyǵysady. Saldarynan avtobýs júrgizýshisi oqıǵa ornynda qaza tapsa, aýrýhanaǵa jetkizilgen 18 jolaýshynyń biri jansaqtaý bóliminde qaıtys boldy.

Atalǵan avtobýs apatqa deıin Jetisaı qalasynan Astana qalasyna jolaýshy tasymaldaǵan. Qazirgi tańda oqıǵanyń tolyq mán-jaıy anyqtalyp jatyr.